Gosber

Cerddoriaeth ar gyfer SATB (a cappella) gyda rhan i biano ar gyfer ymarfer yn unig. Cyfansoddwyd gan Andrew Cusworth i eiriau’r bardd, Dafydd John Pritchard. Gosodiad o englyn sy’n cyfuno delweddau o fyd natur gyda’r traddodiad Catholig i greu ymdeimlad o lonyddwch disgwylgar a myfyrgar, a darlun teimladwy o hanfod gweddi. Yn gerddorol, mae’r rhinweddau hyn i’w clywed gyda symudiadau pendant tebyg i gloch yn y cordiau a’r alaw. Mae’r darn yn synfyfyriol, gyda un foment angerddol, cyn troi yn fewnol i’r weddi dawel a’r cynrychiolaeth ddefodol yn yr englyn o’r paderau yng nghyrff deri. Geiriau Cymraeg yn unig. Nodyn rhaglen a nodiadau ynganu (i’r di-Gymraeg) ar y copi. . https://youtu.be/HWjbXLDt268